“İstehlakçıların hüquqlarının müdafiəsi haqqında” Azərbaycan Respublikasının Qanunununa əsasən ölkə ərazisində istehlakçıların malları və xidmətləri, onların istehsalçısını, satıcısını, icraçısını sərbəst seçmək, istehlak etdikləri malların və xidmətlərin keyfiyyətli və təhlükəsiz olması, mallar və xidmətlər barədə dolğun və düzgün məlumat əldə etmək və s. hüquqları vardır.

Qanunvericiliyinə əsasən məişət və digər növ xidmət obyektlərində xidmətlərin göstərilməsi zamanı sahibkarlıq subyektləri bir sira  tələblərə əməl etməyə, istehlakçıya göstərilən xidmətlərin (yerinə yetirilən işlərin) icra yerini və şəraitini nəzərə almaqla, onların dəyərinin ödəniş forması və qaydası haqqında məlumat verməyə borcludur.

Sifarişlərin qəbul edildiyi xidmət obyektlərində bu məlumatlar istehlakçı üçün rahat və görünən yerdə yerləşdirilməklə aşağıdakıları əhatə etməlidir:

- göstərilən əsas və əlavə xidmətlərin (işlərin) siyahısını;

- təklif olunan xidmətlərin (işlərin) və onların icrası zamanı istifadə olunan materialların, ehtiyat hissələrinin qiymətlərini;

- istehlakçıya təklif olunan hazırlanacaq məmulatların (yerinə yetirilən işlərin) nümunələrini;

- xidmət göstərilməsində (işin yerinə yetirilməsində) istifadə edilən əsas və köməkçi materialların istehlakçıya təklif olunan nümunələrini;

- istehlakçıların hüquqlarının müdafiəsi ilə məşğul olan qurumlar haqqında məlumatları;

- icraçının iş rejimi, hüquqi ünvanı və telefon nömrəsi haqqında məlumatları.

Göstərilən xidmət və icraçı haqqında istehlakçıya düzgün olmayan məlumatların verilməsi istehlakçının həyatına, sağlamlığına və ya əmlakına ziyan vurulması ilə nəticələnərsə, istehlakçı müqaviləni pozmaqla, ona dəymiş ziyanın tam həcmdə ödənilməsini tələb edə bilər.

Əlavə məlumat əldə etmək üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət edə bilərsiniz (əlaqə telefonları: 498-15-01 və 498-15-04).            

                                                       Antiinhisar Siyasəti və İstehlakçıların

                                                       Hüquqlarının Müdafiəsi Dövlət Xidməti

 Təklif edilmiş nümunələr əsasında mal almaq istəyərkən aldanmamaq, rastlaşa biləcəyiniz fors-major hallardan sğortalanmaq və hüquqlarınızın pozulmasına yol verməmək üçün müqavilə bağlayarkən diqqətli olun.

 Malların nümunələr üzrə alqı-satqı müqaviləsi hər iki tərəfin qarşılıqlı razılığı ilə tərtib edilmiş sənədlə (müqavilə) rəsmiləşdirilə və ya mal almaq haqqında poçt, teleqraf, teletayp, telefon, elektron və s. üsullarla bilavasitə tərəflərin iradəsilə bağlanıla bilər.

 Malların nümunələr üzrə alqı-satqı müqaviləsində (hansı formada bağlanılmasından asılı olmayaraq) aşağıdakılar göstərilməlidir:

- satıcının adı və hüquqi ünvanı;

- istehlakçının və ya onu təmsil edənin soyadı, adı, atasının adı, ünvanı;

- malın çatdırılma ünvanı və tarixi;

- malın adı, artikulu, komplektə daxil olan predmetlər, malın qiyməti;

- göstərilən xidmətin növü, yerinə yetirilmə müddəti və qiyməti;

- satıcı və istehlakçının öhdəlikləri.

 Malların nümunələr üzrə alqı-satqı müqaviləsi bilavasitə satış yerində malın dəyərinin ödənilməsi barədə istehlakçıya kassa, əmtəəçeki (digər sənəd) verildiyi andan və ya satıcının təklif etdiyi şərtlərlə istehlakçının mal almaq niyyətini bu və ya digər rabitə vasitəsiləçatdırdığı vaxtdan bağlanılmış hesab edilir.

 Müqavilədə digər qayda nəzərdə tutulmadıqda, satıcı malın daşınması, çatdırılması, mürəkkəb texniki malların quraşdırılması, istismara hazırlanması və saxlanılması xidmətlərini də həyata keçirməlidir.

 Əlavə məlumat əldə etmək üçün Antiinhisar Siyasəti vəİstehlakçıların Hüquqlarının Müdafiəsi Dövlət Xidmətinə müraciət edə bilərsiniz (əlaqə telefonları: 498-15-01 və 498-15-04).             

                                                              Antiinhisar Siyasəti və İstehlakçıların

                                                              Hüquqlarının Müdafiəsi Dövlət Xidməti

 “İstehlakçıların hüquqlarının müdafiəsi haqqında” Azərbaycan Respublikası Qanununda hər bir istehlakçının istehlak olunan malların (işlərin, xidmətlərin) keyfiyyətinə və təhlükəsizliyinə zəmanət almaq hüququ təsbit edilmişdir. Qanunun 6-cı maddəsinə əsasən  zəmanət müddəti, əgər alqı-satqı müqaviləsində ayrı müddət nəzərdə tutulmayıbsa, malın istehlakçıya verildiyi andan başlanır.

 Zəmanət müddəti-müvafiq normativ sənədlərdə nəzərdə tutulmuş zəmanət öhdəliklərinin qüvvədə olduğu müddətdir. Zəmanət müddəti malın (işin, xidmətin) zəmanət talonunda, pasportunda, nişanlanma kağızında və yaxud mala əlavə olunan digər sənəddə göstərilməlidir. Mal zəmanət müddəti ilə satılarkən, satıcı məmulatın pasportunda malın bu obyektdən alındığını və malın satıldığı tarixi təsdiq edən ştamp vurur.

 Tez xarab olan və insanların sağlamlığına, həyatına, əmlakına, habeləətraf mühitə təhlükə kəsb edən ərzaq məhsullarının, dərmanların, ətriyyat-kosmetika vasitələrinin, kimya məhsullarının və başqa malların üzərində və ya onlara əlavə edilən müvafiq sənədlərdə isə yararlılıq müddəti göstərilir.

İstehsalçı malın (işin, xidmətin), həmçinin komplektləşdirici məmulatların qanunvericilikdə nəzərdə tutulan zəmanət müddəti ərzində, bu müddətlərin olmadığı hallarda isə müqavilə ilə müəyyənləşdirilmiş qaydada normal işini  təmin etməlidir. Komplektləşdirici məmulatların zəmanət müddəti, qanunvericilikdə və ya müqavilədə ayrı cür göstərilməyibsə, malın özünün zəmanət müddətindən az olmamalıdır.

 İstehlakçı satıcı qarşısında zəmanət müddəti müəyyən edilməmiş mallarda aşkar olunmuş qüsurlar barədəAzərbaycan Respublikasının Mülki Məcəlləsindəmüəyyən edilmiş müddətdən gec olmamaq şərti ilə öz tələblərini irəli sürmək hüququna malikdir.

 Əlavə məlumat əldə etmək üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət edə bilərsiniz (əlaqə telefonları: (012) 498-15-01 və (012) 498-15-04).                                                              

                                                               Antiinhisar Siyasəti və İstehlakçıların 

                                                               Hüquqlarının Müdafiəsi Dövlət Xidməti

  "İstehlakçıların hüquqlarının müdafiəsi haqqında" Azərbaycan Respublikası Qanununa görə istehlakçıların mal (iş, xidmət) haqqında zəruri və düzgün məlumat almaq hüququ vardır. Belə ki, Qanunun 13-cü maddəsinəəsasən satıcı (icraçı) mal (iş, xidmət) haqqında istehlakçını maraqlandıran aşağıdakı məlumatları ona verməyə borcludur:

-malın (işin, xidmətin) qiyməti;

-istehlak xassələri (ərzaq malları barəsində isə həm də tərkibi; yararlıq müddəti; kaloriliyi; sağlamlıq üçün zərərli maddələrin normativ sənədlərin tələbləri ilə müqayisəli miqdarı);

-əldə edilməsi şərtləri;

-təminat öhdəlikləri və iddiaların irəli sürülməsi qaydaları;

-malların  işlədilməsi, saxlanması və təhlükəsiz istifadə üsulları və qaydaları və s.

  Satıcı (icraçı) istehlakçıya müəssisənin satdığı malların ticarət qaydaları və xidmət növləri barəsində də dolğun və düzgün məlumat verməlidir.

  Satılan mal barəsində yanlış məlumatın və ya kifayət qədər dolğun olmayan məlumatın verilməsi, istehlakçının lazımi xassələrə malik olmayan malı (işi, xidməti) almasına  və ya istifadə etməsinə səbəb olmuşdursa, onun müqaviləni ləğv etmək və itkilərin ödənilməsini tələb etmək hüququ vardır.

  Əlavə məlumat əldə etmək üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət edə bilərsiniz (əlaqə telefonları: (012) 498-15-01 və (012) 498-15-04).                                                              

                                                        Antiinhisar Siyasəti və İstehlakçıların 

                                                        Hüquqlarının Müdafiəsi Dövlət Xidməti

Yeyinti məhsullarının markalanması “İstehlakçıların hüquqlarının müdafiəsi haqqında” və “Yeyinti məhsulları haqqında” Azərbaycan Respublikası qanununlarına əsasən aparılır. Ölkə ərazisində istehsal və realizə olunan yeyinti məhsulları üzərində  aşağıdakı məlumatlar əksini tapmalıdır:

-məhsulun adı, istehsalçının adı, ünvanı və əlaqə məlumatları;

-məhsulun istehlak xüsusiyyətləri, (tərkibi, kütləsi, növü, ölçüləri, qidalılıq dəyəri, enerji dəyəri, saxlanma şərtləri, hazırlanma üsulu və s.);

- məhsulun hazırlanması və uyğunluq standartları;

- məhsulun istehsal  tarixi və yararlılıq müddəti;

- məhsulun istehslına dair normativ sənədlərdə nəzərdə tutulmuş digər məlumatlar.

Bu məlumatlardan başqa markalamada istehsalçı tərəfindən məhsulların istehsalında istinad olunan standartlarda və texniki şərtlərdə göstərilən digər məlumatlar da nəzərdə tutula və daha geniş məlumatlar verilə bilər. Malın üzərindəki etiketlər və digər yazılar aydın, sadə dildə, başa düşülən şəkildə tərtib edilməlidir. Bu yazılar diqqəti çəkən, asan oxunan və uzun müddət silinməyən olmalı, istehlakçı üçün aydın, kifayətləndirici və dəqiq əks edilməlidir.

Azərbaycan Respublikasının ərazisində istehsal edilən, habelə ixrac edilən malların üzərindəki etiketlər və digər yazılar müvafiq xarici dillərlə yanaşı, dövlət dilində də olmalıdır.

Əlavə məlumat əldə etmək üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət edə bilərsiniz (əlaqə telefonları: (012) 498-15-01 və (012) 498-15-04).                                                               

                                                               Antiinhisar Siyasəti və İstehlakçıların  

                                                               Hüquqlarının Müdafiəsi Dövlət Xidməti

İnternet vasitəsilə mal (iş, xidmət) alarkən aldanmamaq, rastlaşa biləcəyiniz fors-major hallardan sğortalanmaq və hüquqlarınızın pozulmasına yol verməmək üçün ilk növbədə potensial satıcı tərəfindən adı və ünvanı, internet və elektron poçt ünvanı, telefonu, VÖEN-i, habelə malın (işin, xidmətin) qiyməti  və s. barədə məlumatları verib-vermədiyinə diqqət yetirin. Bu cür məlumatları təqdim etməyən satıcıdan mal almaqdan çəkinin.
Qeyd olunan məlumatlar təqdim edildikdə belə sifariş verməzdən əvvəl satıcıdan bu cür malların (işlərin, xidmətlərin) xüsusiyyətləri, çatdırılma xərci, ödəniş və sifarişin icra olunma şərtləri, imtina hüququndan istifadə imkanı, qiymətin qüvvədə olduğu müddət barədə məlumatları tələb edin.
Nəzərə alın ki, satıcının təqdim etdiyi bütün məlumatlar Azərbaycan dilində və ya sizinlə razılaşdırılmış digər dildə, aydın və birmənalı başa düşülən şəkildə ifadə olunmalıdır.
Alış-veriş əməliyyatları apararkən təsdiqlədiyiniz sənədə, xüsusi ilə də tarix və məbləğ bölümlərinə diqqət yetirin. Tam doldurulmamış sənədləri təsdiqləməyin.
Əlavə məlumat əldə etmək üçün Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə müraciət edə bilərsiniz (əlaqə telefonları: 498-15-01 və 498-15-04).                                                              

 Antiinhisar Siyasəti və İstehlakçıların 

                                                              Hüquqlarının Müdafiəsi Dövlət Xidməti